प्रिय
वादक बांधव,
रा. पुणे शहर
पत्र लिहण्यास कारण की,
तुमच्या मनाची अवस्था आज आम्ही समजतोय. आज जर करोना नी ताणले नसतं तर .......ढोल ताशे ताणुन तुम्ही दरवर्षी प्रमाणे डोळ्याचे पारणे फेडणारा ,तुफान, बेधुंद ,तल्लीन होऊन जो ईतिहास घडवता असता त्याला कुठलाही शब्द हा डिक्शनरी मध्ये सापडणार नाही.
खास करुन पांढरा, केशरी आणि विविध रंगाचा पेहराव पाहिल्यावर फक्त सुंदर हा शब्द तोंडात आपल्याला पाहिल्यावर येणारच. आपल्या ढोल ताशा वाजवणारे भगिनींचा साज तर अप्रतिम.
वर्षभर ज्या वेळेची तुम्ही आवर्जून वाट पाहाता तो क्षण म्हणजे अनंत चतुर्दशीच्या दिवशीचे वादन. लक्ष्मी रोड ला वाजवायला मिळणे म्हणजे हे तर प्रत्येक वाचकचे स्वप्न. बेलबाग आणि अलका चौकात वाजवायला मिळणे म्हणजे तर म्हणजे विषय खोल.
आदल्या दिवशी अनंत चतुर्दशी श्री तयारी तर लगीनघरासारखे असते.
पण या वर्षी तुम्ही वादक बांधवांनी आणि सगळे गणेशभक्तांनी जेवढा संयम दाखवून सरकारला सहाय्य केले आहे. त्या संयमाला मनापासून मानाचा मुजरा.
वादक बांधव भगिनींनो सलाम तुमच्या तपश्चर्येला आणि तुमच्या संयमी भावनांना.....
तुमचा आणि तुमच्या कलेचा
एक निस्सीम चाहता.
कळावे,
प्रेषक
एक वादन भक्त पुणेकर
