प्रति.
दगडूशेठ हलवाई गणपती
मंडळ (ट्रस्ट)
पत्त्याची गरज नाही,
फक्त नावच पुरेसे आहे.
पत्र लिहण्यास कारण की,
शिवाजी रोड वरुन जरी मंदिरासमोरुन गेलो ना तरी बस च्या खिडकीतुन एक सेकंदासाठी का होईना, आपल्या मुर्ती चे दर्शन होणे म्हणजे स्वर्गसुखच.....
मंडळासमोरची गणेशोत्सवासोबत ईतर वेळी दररोज होणारी गर्दी सांगुन जाते कि भाविकांसाठी आपले मंडळ (ट्रस्ट) हे एक प्रकारचे तीर्थक्षेत्र च आहे. गणेशोत्सव काळात सुध्दा रात्री 2 वाजता पण हजारो च्या संख्येने भाविक नतमस्तक होण्यासाठी येतात तर दिवासाची गिनती न केलेली बरी. सव्वा कोटी पेक्षा जास्त भाविकांनी करोनाच्या काळात आपल्या मुर्ती चे आॅनलाईन दर्शन घेतले आहे यातच सर्व काही येतं.
आपल्या मंडळाचे सामाजिक उपक्रमाची यादी न संपण्यासारखी आणि प्रत्येक सामाजिक क्षेत्रात भरगोस मदत करणारी आहे. काही जागा ठराविक गोष्टींमुळे ओळखले जातात पण दगडूशेठ हलवाई गणपती मुळेच आपले शहर ओळखले जाते असे आम्हा गणेशभक्तांना आवर्जून वाटते. मंडळाचे वैशिष्ट्य म्हणजे समाजातील गरजु लोकांना मदत करणे. मदत करताना कुठलाही गाजावाजा न करता अन्नदान, आरोग्य शिबिरे ही गरजु विद्यार्थी मित्रांसाठी शैक्षणिक आणि दत्तक उपक्रम, यातच मंडळाची समाजाप्रती असलेली आस्था आणि तळमळ दिसून येते.फक्त पुणे शहरापुरते मर्यादित न राहता भारतात जिथे जमेल तिथं गरजु लोकांची मदत गणपती बाप्पाच आपल्या ट्रस्ट च्या माध्यमातून करतो असे सगळ्या गणेशभक्तांना जाणवते.
दगडूशेठ हलवाई गणपती ची मिरवणूक आणि डेकोरेशन पाहायला मिळणे म्हणजे स्वर्गसुखाचा अनुभव.
या वर्षी आम्ही सर्व जण हे मिस करु.....
पण पुढच्या वर्षी न भुतो ना भविष्यातो असा डोळे दिपवणारा गणेशोत्सव साजरा करू.
एक गणेशभक्त
संकल्पना आणि विशेष सहकार्य - कमलेश भांडे, प्रेम कांबळे, आशिष सावंत रविकांत कांबळे आकाश इंगवले
लेखक
गिरीश भोसले
टिप्पणी - मंडळाचा ईतिहास आणि कार्य इतकं जबरदस्त आणि ईतक्या मोठ्या प्रमाणात आहे की तो लिहणे माझ्या(लेखकाच्या) आवाक्याबाहेर असल्याने भाविकांच्या नजरेमधुन आपल्या मंडळासाठी सदर पत्र लिहिले आहे.
कोणत्याही टिप्पण्या नाहीत:
टिप्पणी पोस्ट करा