नवसाचा गणपती
प्रति,
हुतात्मा बाबू गेनू मंडळ,
लोकमान्य टिळक पुतळा
समोर, मंडई पुणे 2
पत्र लिहण्यास कारण की,
पुणे शहरात अशी ठराविक मंडळ आहेत की ज्या मंडळांनी पुण्याचे गणेशोत्सवाचं नाव देशभर तसेच साता समुद्राच्या पलीकडे पोहचवुन आपल्या पुण्यनगरी च्या शिरपेचात मानाचा तुरा रोवला.... यातील महत्त्वाचे आघाडीवर असलेले मंडळ म्हणजे हुतात्मा बाबू गेनू मंडळ.
आपल्या मंडळाला नवसाचा गणपती हे नाव कसे पडले हे खुप थोडे जणांना माहीत आहे. साधारणपणे 50 वर्षापूर्वी ची गोष्ट असेल. मंडळाचे स्थापनेच्या प्रारंभी ची दोन वर्षे नवीन मुर्ती स्थापन करण्यात येत , 1973 साली मंडळासाठी कायमस्वरूपाची मुर्ती करण्याचे ठरले. मुर्ती कार अनंतराव वाईकरांकडुन आपल्या मंडळाची मुर्ती तयार होत असताना वाईकर काकांचे निधन झाले. केवळ धडा पर्यन्त तयार झालेली मुर्ती पाहुन आपल्या मंडळाच्या कार्यकर्त्यांनी बाप्पा लाच मुर्ती साकारण्यासाठी नवस केला आणि मुर्तीकार प्रकाश गोसावी काकांनी मुर्ती काही दिवसांतच पुर्णत्वास आणली. तेव्हापासून आपल्या बाप्पा ला नवसाचा गणपती अशी ओळख मिळाली. कोणत्याही अंधश्रद्धेला मंडळ कधीच पाठिंबा देत नाही हे मंडळाचे कार्यकर्ते आवर्जून सांगतात.
मंडळाचे देखावा म्हणताल तर एकच गाणे डोळ्यासमोर येत...... ते म्हणजे नाद करा..... पण आमचा कुठं......
सुंदर..... शानदार...... जबरदस्त हे तिन्ही विशेषणे कमी पडतील ईतकी अप्रतिम आपल्या मंडळाची कलाकृती असते. नितीन चंद्रकांत देसाई आणि हुतात्मा बाबु गेनू मंडळ हे समीकरण रेल्वे आणि रुळ यांच्यासारखे एकमेकांना घट्ट चिकटून राहिलेलं. काही वर्षांपुर्वी देवदास मधील चंद्रमुखी च्या महालापासुन मागील वर्षी केलेला शनिवारवाडा च्या मंडळाच्या कलाकृती ता तोड शक्य नाही.....हलता देखावा करावा तर हिराबाग मित्र मंडळाने आणि गणेशोत्सवात कलाकृती करावी हुतात्मा बाबु गेनू मंडळाने ही प्रत्येक पुणेकराची मनातील भावना आहे.
या वर्षी करोना संसर्गामुळे गणेशोत्सव साधेपणाने साजरा होत असला तरी लवकरच हुतात्मा बाबु गेनू मंडळाचा नवसाचा गणपती च्या आशिर्वादाने भारता सोबत जगावरील करोना चे संकट लवकरच हटले जावो ही श्रीं चरणी प्रार्थना व्यक्त करतो आणि आपल्या मंडळाला या वर्षी 50 वर्ष पूर्ण झाले बद्दल पुणे शहरातील नागरीकांच्या वतीने शुभेच्छा देतो.
धन्यवाद
कळावे.
प्रेषक
आपल्या मंडळाच्या
कलाकृती चा चाहता
एक पुणेकर
प्रति,
हुतात्मा बाबू गेनू मंडळ,
लोकमान्य टिळक पुतळा
समोर, मंडई, पुणे 2
पुणे शहरातील ज्या मंडळांनी देखावे आणि डेकोरेशन ची ख्याती साता समुद्राच्या पलीकडे नेऊन महाराष्ट्रातील गणेशभक्तांना पुण्यात येऊन देखावे आणि डेकोरेशन पहायला आनंदाने भाग पाडले त्या मंडळांसाठी आणि त्यांच्या कार्यकर्त्यांसाठी.
विशेष सहाय्य
आकाश इंगवले, प्रेम कांबळे, आणि कमलेश भांडे.
अॅड. आशिष सावंत, अॅड रविकांत कांबळे
लेखन
अॅड.गिरीश भोसले
कोणत्याही टिप्पण्या नाहीत:
टिप्पणी पोस्ट करा