शारदा गजानन आणि लक्ष्मी नारायण मुर्तीची आठवण करून देणारा अनोखा संगम

प्रति, 

अखिल मंडई मंडळ, 

शुक्रवार पेठ पुणे 2

पत्र लिहण्यास कारण की, 

लिहिल तितके कमी आणि बोलेल तितके अपुरे हे विशेषण ज्या मंडळाला आणि त्याच्या ईतिहासाला लागु पडते असे आपले भाविकांचे श्रध्दास्थान असलेले  अखिल मंडई मंडळ. 

मुर्ती च्या स्थापनेपासून ते आजपर्यंत..... मंडळाच्या देखाव्यापासुन ते मिरवणुकीच्या रथापर्यंत.......आपल्या पुणे शहराची आन बाण शान आणि  गणेशभक्ताची जान असलेलं एकमेव, अद्वितीय असलेले आणि ज्या मुर्ती ची एक झलक पाहिल्यावर मन प्रसन्न होते असे आपलं अखिल मंडई मंडळ . हे केवळ मंडळ किंवा ट्रस्ट नाही तर प्रत्येक पुणेकर नागरिकांच्या मनातलं एक तीर्थ क्षेत्र च म्हणावे लागेल. 

आपल्या मंडळाचा मुर्ती चा ईतिहास तर ऐकण्याजोगा, वाचण्याजोगा आणि पाहण्याजोगा तर आहेच परंतु मंडळाचीमुर्ती स्वातंत्र्यापासुन ते पुणे शहराच्या आजपर्यंतच्या ईतिहासाची साक्षीदार आहे. मुर्ती ची खासीयत म्हणजे मुर्ती ही 7 नद्यांच्या पाण्यापासून तसेच कागद, लगदा आणि  गवता पासुन तयार केली गेली आहे. याचे संपुर्ण श्रेय आदरणीय कै. लक्ष्मणराव डोंगरे काची यांना जाते. 1893 साली त्यांनी सदर ची मुर्ती घडवली आणि त्या वेळी आपल्या पुणेकरांना आपली शारदा गजानन बाप्पा ची मुर्ती मिळाली....लक्ष्मी नारायणाची आठवण करून देणारी आपली शारदा गजाननाची  मुर्ती म्हणजे एक अलौकिक संगमच

एकी हेच बळ हे ब्रीदवाक्य असलेले आपले मंडळ दरवर्षी कुठलाही गाजावाजा अथवा जाहिरात बाजी न करता गरजु विद्यार्थ्यांना शिक्षणासाठी दत्तक घेणे, यांच्यासारखे मोठे शेकडो उपक्रम वर्षभर राबवत असते. मंडळाचा देखाव्या सोबत मंडळाचा मिरवणूक रथ पहायला होणारी गर्दी च सांगुन जाते की शान असावी तर मंडईच्या गणपती सारखी. 

मंडळानी या वर्षी करोना रोगाचा प्रादुर्भावामुळे पुणे महानगर पालिकेच्या सोबत महामारी च्या विरोधात केलेले कार्य हे कौतुकास्पद आहे. म्हणूनच आम्हा पुणेकरांना आपले मंडळाचे आणि कार्यकर्त्यांचे केवळ कौतुक नाही तर सार्थ अभिमान आहे. मंडळाचा ईतिहास आणि समाज कार्य एका लेखात कदापिही संपणार नाही एवढे मंडळाचे कार्य आहे. 

अडचणी च्या काळात सामान्य माणसाच्या मदतीला धावून जाणाऱ्या आपल्या मंडळास आणि मंडळाच्या ज्येष्ठ आणि तरुण कार्यकर्ते बांधवांना मानाचा मुजरा.

प्रेषक

एक गणेशभक्त

जो मंडळाच्या मुर्ती चा भक्त आहेच

आणि मंडळाच्या सामाजिक कार्याचा पण हितचिंतक आहे. 

प्रति, 

अखिल मंडई मंडळ, 

शुक्रवार पेठ पुणे 2

माहिती संकलन आणि विशेष सहकार्य 

अॅड. रविकांत कांबळे, अॅड. आशिष सावंत, आकाश इंगवले, प्रेम कांबळे, कमलेश भांडे

लेखक अॅड गिरीश उज्वला  मधुकरराव भोसले