सबसे न्यारा सबसे प्यारा आपला हत्ती गणपती
प्रति,
अखिल नवी पेठ हत्ती
गणपती मंडळ, छत्रपती
संभाजी महाराज रोड,
सदाशिव पेठ पुणे 30.
पत्र लिहण्यास कारण की,
पुणे शहरात एकमेव गजराजा वर गणपती बाप्पा ची स्वार असलेली तेजस्वी आणि लहान मुलांसोबत मोठ्यांनाही आकर्षित करणारी मुर्ती म्हणजे आपल्या मंडळाची मुर्ती.
पुणे करांच्या आणि समस्त गणेश भक्तांच्या लाडक्या आपल्या मंडळाला या वर्षी 128 वर्ष होत आहेत. 1961 साली पानशेत आणि खडकवासला धरण फुटल्यानंतर सध्या मंदिरात असलेली आपल्या मुर्ती 1962 मध्ये तयार केली गेली. खुप गणेशभक्तांना माहित नसलेली एक गोष्ट म्हणजे आपल्या मंडळाची मुर्ती नवी पेठ विठ्ठल मंदिरात मुर्तीकार देशपांडे काका यांनी तयार केली. विठ्ठल माऊली आणि गणपती बाप्पाचा एका गोड संगमाची ही एक विशेष पर्वणीच म्हणावी लागेल..... हत्ती गणपती मुळेच हा परिसर हत्ती गणपती चौक या नावाने पुणे शहरात प्रसिद्ध आहे.
लाजवाब आणि जबरदस्त हे शब्द ज्या मंडळाच्या देखाव्यांना शोभुन दिसते ईतके आपले देखावे सुंदर असतात.... अतिभव्य आकाराच्या हलते देखावे ची मुर्ती हे आपल्या मंडळाचे वैशिष्ट्य. आजपण साधारणपणे 15 वर्षापुर्वीचा लंकादहनाचा देखावा ते मागील वर्षी चा महाराक्षसाचा पर्यावरणाचा संदेश देणारा देखावा आजपण आम्हाला मनापासून आठवतो. हनुमानाची भलीमोठी मुर्ती डोळ्यांच्या पारणे फेडणारी होती .... यानंतर रावणाचे गर्वहरण, संभाजी महाराज यांचा जीवन प्रसंग आणि सामाजिक संदेश देणारे आकर्षक देखावे मंडळाने अत्यंत सुंदर रीतीने साकारलेले आहेत.
आपल्या मंडळाच्या काही ज्ञात अज्ञात गोष्टी आम्हा पुणेकरांना नेहमी भावतात.
1. पारंपरिक मिरवणूक- डिजे डॉल्बी चा भिंत उभारण्यापेक्षा पारंपरिक वाद्य वाजविण्यावर भर तसेच मिरवणुकीत ट्रॅक्टर न लावता बैलजोडी ने पारंपरिक मिरवणूक काढणारे पुणे शहरातील आपले पारंपरिक रुढी परंपरा जपणारे मंडळ आहे..... "लोकमान्य टिळकांच्या मनातील गणपती मिरवणुक कशी असेल तर हत्ती गणपती मंडळासारखी असेल" असे आम्हाला आपल्या मंडळाच्या मिरवणुकीकडे पाहिल्यावर लक्षात येते.
2. मंडळ म्हणंल की वर्गणी आलीच... पण कोणाकडूनही वर्गणी न घेता स्वखर्चाने गणेशोत्सव साजरा करणारे आपले मंडळाचा हे सर्वात सुंदर वैशिष्ट्य.
3. गणेशोत्सवासाठी मांडव टाकताना खड्डे न घेता, रस्ता खराब न करणारी आपल्या मंडळाची मानसिकता ही सामान्य नागरिकांना सामाजिक संदेश देणारी आणि कौतुकास्पद आहे.
4. वर्षभरात दुष्काळ आणि पुरगस्तांना मदत, परिक्रमी वीरांचा सत्कार, आरोग्यसेवा शिबिरासारखे सामाजिक उपक्रम राबवुन एकप्रकारची जनसेवा आपले मंडळ आणि मंडळाचे कार्यकर्ते अविरतपणे करीत आहे.
गजराजावर रुढ असलेले गणराय वाघाला आपल्या त्रिशूळाला वार करताना चे चित्र विलोभनीय आहे. तो त्रास देणारा वाघ दुसरा तिसरा कोणी नसुन आजच्या काळातील करोना महारोग आहे. लवकरच बाप्पा त्यांचा नायनाट करुन आपल्याला या त्रासातून मुक्त करतील अशी आशा व्यक्त करतो. तसेच आपल्या मंडळाकडुन सामाजिक संदेश तसेच लहान थोरांना आकर्षित करणारे सुंदर देखावे आम्हा पुणेकर आणि पुण्यात येणाऱ्या गणेशभक्तांना पहायला मिळो आणि आपल्या मंडळाच्या कार्यकर्त्यांकडून समाजातील सर्व घटकांची सेवा अविरतपणे घडत राहो ही सदिच्छा व्यक्त करतो.
धन्यवाद
कळावे
प्रति,
अखिल नवी पेठ हत्ती
गणपती मंडळ, छत्रपती
संभाजी महाराज रोड,
सदाशिव पेठ पुणे 30.
प्रेषक
आपल्या मंडळाच्या
सामाजिक कार्य आणि
देखाव्यांचा तसेच
गणेशमुर्ती चा चाहता
गणेशभक्त
विशेष सहकार्य आणि माहिती संकलन
केदार दादा मानकर, तेजस ढोणे, कमलेश भांडे, आकाश इंगवले आणि प्रेम कांबळे
लेखक
गिरीश भोसले
पुणे शहरातील ज्या मंडळांनी देखावे आणि डेकोरेशन ची ख्याती साता समुद्राच्या पलीकडे नेऊन महाराष्ट्रातील गणेशभक्तांना पुण्यात येऊन देखावे आणि डेकोरेशन पहायला आनंदाने भाग पाडले त्या मंडळांसाठी आणि त्यांच्या कार्यकर्त्यांसाठी
कोणत्याही टिप्पण्या नाहीत:
टिप्पणी पोस्ट करा