प्रति
श्रीमंत भाऊसाहेब
रंगारी गणपती ट्रस्ट,
662,657 भाऊ रंगारी रोड,
शनिवार वाड्याच्या मागे,
बुधवार पेठ पुणे 02
पत्राच्या सुरवातीला आदरणीय देशभक्त भाऊसाहेब रंगारी यांना मनापासून वंदन
पत्र लिहण्यास कारण,
तासनतास जरी पहात राहिले तरी मन भरत नाही अशी आपल्या मंडळाची (ट्रस्ट ची) मुर्ती....जिचे सौंदर्य सूर्यासारखे तेजस्वी आणि प्रखर आहे. साधारणपणे 128 वर्ष उलटल्यानंतर ही ज्या मुर्ती ची सुंदर ता ईविलिशी सुध्दा कमी झाले नाही याऊलट दिवसें दिवस सुंदर होत असणारी मुर्ती पहाणे म्हणजे गणेशभक्तांसाठीची एक सुंदर पर्वणीच.
आपल्या ट्रस्ट ची मुर्ती भाऊ रंगारी ( मुळ नाव- भाऊसाहेब लक्ष्मण जावळे) यांनी स्थापन केली तेव्हा पासून चा या वर्षी पर्यंत चा आॅनलाईन गणेशोत्सवाचा प्रवास हा अद्वितीय आहे. राज वैद्य असलेले भाऊ रंगारी यांना शालु रंगवण्याच्या व्यवसायावरून रंगारी हे आडनाव पडले. ब्रिटिश राजवटीचा काळ असल्याने देशभक्त असलेल्या भाऊ रंगारी यांच्या नेतृत्वाखाली पुणे शहरात 3 गणपती बसविण्यात आले.
त्यांपैकी पहिला गणपती म्हणजे आपल्या मंडळाचा गणपती.
लाकुड आणि भुसा वापरुन तयार केलेली आजही 128 वर्षानंतर भाविकांचे आकर्षण ठरत आहे.
मुर्ती कडे नीट पाहिल्यावर एक बाब प्रकर्षाने जाणवते की ती म्हणजे मुर्ती मधला राक्षस हा दुसरा तिसरा कोणी नसुन अन्याय करणारे ब्रिटिश तर नाही ना?.
ब्रिटीशांचा नाश करणारी मल्लांच्या आवेशातील गणपती बाप्पा ची मुर्ती ही एक क्रांती कारक वैचारिक भावनेतून तयार केली गेली आहे. असे जुन्या लोकांच्या तोंडुन उल्लेख झाल्यावर भाऊसाहेब रंगारी यांच्या बद्दल चा आदर एक भारतीय नागरिक म्हणून नक्की च वाढला जातो.
एक पारंपरिक आदर्श गणेशोत्सव कसा असावा याचे सर्वोत्तम उदाहरण म्हणजे श्रीमंत भाऊ रंगारी गणपती ट्रस्ट. डिजे आणि साऊंड च्या भिंती चा काडीमात्र संबंध न ठेवणारे आपले मंडळ अत्यंत सुंदर आणि वैचारिक आणि सामाजिक पध्दतीने गणेशोत्सव साजरे करताना आपल्याला नेहमी दिसते. उलट नगारखाना आणि सनई मध्ये काय जादु आहे हे आपल्या मिरवणुकीत समजते.
करोना रोगाचा प्रादुर्भावामुळे आपल्या ट्रस्ट मार्फत आॅनलाईन सांस्कृतिक महोत्सव आणि आॅनलाईन दर्शनाची सोय गणेश भक्तांसाठी केली आहे . आपला हा उपक्रम अत्यंत सुंदर आणि कौतुकास्पद आहे.
एक आदर्श गणपती उत्सव साजरा करणारे ट्रस्ट म्हणून आम्हाला आमचा कायम अभिमान आहे. आपल्या सार्वजनिक गणेशोत्सव साजरा करण्याची ऐतिहासिक परंपरा आपल्या ट्रस्ट मार्फत अशीच वृध्दींगत होत राहो अशा सदिच्छा व्यक्त करतो आणि आपली मुर्ती ज्या प्रकारे राक्षसाचा वध करीत आहे त्याचप्रमाणे करोना चा सुध्दा बाप्पा या प्रकारे वध करतील अशी प्रार्थना करतो....... आणि पत्राच्या शेवटी आपल्या ट्रस्ट ला आणि उत्सव जपणारे कार्यकर्ते बांधवांना पारंपरिक गणेशोत्सव जपल्या अभिमानास्पद कारणास्तव मनापासून शुभेच्छा व्यक्त करतो.
धन्यवाद
कळावे
प्रति
श्रीमंत भाऊसाहेब
रंगारी गणपती ट्रस्ट,
662,657 भाऊ रंगारी रोड,
शनिवार वाड्याच्या मागे,
बुधवार पेठ पुणे 02
प्रेषक
एक गणेशभक्त
लेखक आणि संकल्पना
गिरीश भोसले
कोणत्याही टिप्पण्या नाहीत:
टिप्पणी पोस्ट करा