शाळेतली गणपती ची आठवण....

प्रति, 

कै. कॅ. शिवरामपंत

दामले प्रशाला, (महाराष्ट

मंडळ)वीर सावरकर नगर 

पुणे, 37 

सर्वात आधी तुझी क्षमा मागतो, 

कारण तुला पत्र लिहण्यास थोडा उशीर च झाला. दोन दिवस झाले तुला पत्र लिहायचे याचा विचार मनात येत होता. कारण पण तसंच होत. 

आपला गणेशोत्सव. 

आपल्या शाळेतला गणेशोत्सव तुझा हा लेक कधी विसरल का ग? 

आपल्या शाळेत ला गणेशोत्सव आजपण असा आठवतो की जशी काल च गोष्ट घडली आहे. गणपती च्या 1,2 आठवडे अगोदरच तु आणि आपले गुरुजण वर्ग तयारी सुरु करायचे. अथर्वशीर्ष पठणासाठी विद्यार्थी निवडायचे. सांस्कृतिक कार्यक्रमाची नोटिस वर्गात खाके आणि जाधव, उबाळे काका घेऊन यायचे हे अजून आठवतंय.

 त्या वेळी आपल्या प्रयोगशाळेच्या शेजारी गणपती ची स्थापना व्हायची. 

5 दिवस दररोज आरती आणि अथर्वशीर्ष पठण ....सौ. टकले मॅडम आणि काही विद्यार्थी मित्रांवर ही जबाबदारी असायची. 5 दिवस सांस्कृतिक कार्यक्रमाची रेलचल चालायची. बनकर सरांचे ते कविता आणि शब्दांमधले सांस्कृतिक कार्यक्रमांचा निवेदन कोण विसरणार आहे. आदरणीय पुलगम सर, गोखले मॅम, भुजबळ सर, हेगडकर सर, ढोबळे सर, वाकलकर मॅम,पाटील मॅम, साबळे मॅडम आणि पवार मॅडम वर खास करून जबाबदारी असायची. शेवटच्या दिवशी वाजत गाजत मिरवणूक निघायची... पण आपली शाळा शिस्तप्रिय असल्याने ढोल ताशे वाजताना विद्यार्थी मित्रांचे पाय थिरकायचे तरी पण सगळे शिक्षकांच्या धाकाने गप्प. देशमुख सर, तव्वर सर, वसईकर सर, सातपुते सर, आणि सगळ्यात जबरदस्त ज्यांचा हात लागायचा असे सर्जेराव सर आणि हेगडकर सरांची विद्यार्थी परिवारात दहशतच तशी होती. तरी पण एकदा आठवीत असताना आमच्या बॅच चा वर्ग मित्रांना ढोल तशाचा आवाज वाजलेला ऐकुन सहन न झाल्याने एका कोपऱ्यात आम्ही नाचायला सुरवात केली. आमचा उदय ढमढेरे तर तुफान नाचाला होता. त्याचा डांस पाहुन तर खुद्द मुख्याध्यापिका आंबेकर बाईंना पण हसु आवरले नव्हते. हा प्रसंग अजुन 15 वर्षानंतर अजून आठवतो. आणि सगळ्यात महत्त्वाचे गणपती झाल्यावर पोट भरुन वर्गात दिला जाणारा प्रसाद. अशा एक ना अनेक आठवणी आहेत. 

कशा असतात ना आठवणी. 

पत्राची सुरवात करताना खुप जास्त खुश होतो. पण पत्राच्या शेवटाकडे जाताना 15 वर्षे पुर्वीच्या गोष्टी आठवुण मन भरून येतय. 

आज आपले विद्यार्थी 7 समुद्राच्या पलीकडे गेले असतील पण शाळेतला गणपती आणि त्या गोड आठवणी विसरणे शक्य नाही..... 

आज करोना मुळे शाळा बंद आहे नाही तर आजपण त्याच जोशात गणेशोत्सव साजरा केला असता यात शंका नाही. या महामारी नंतर लवकरच तुला भेटायला येईल कदाचित 26 जानेवारी लाच. तोपर्यंत तु तुझी काळजी घे. 

कळावे, 

तुझंच विद्यार्थी रुपातलं

लेकरु

आपल्या प्रशालेला आणि सर्व गुरुजनांना सदर पत्र समर्पित. 

प्रति, 

कै. कॅप्टन शिवरामपंत

दामले प्रशाला (महाराष्ट्र

मंडळ) वीर सावरकर नगर

पुणे 37

प्रेषक

तुझा विद्यार्थी

जो आजपण तुझा 

आठवणीत रंगतो

संकल्पना आणि लेखन

अॅड. गिरीश भोसले

दिनांक 28 आॅगस्ट 2020