हिराबाग ची आठवण.....
पुणे शहरातील गणेशोत्सव म्हणलं की हालत्या देखाव्यांची आठवण आवर्जून येणार.... आणि ती आली की तोंडात पहिले नाव येणार ते टिळक रोड च्या हिराबाग मित्र मंडळाचं......
हलता देखावा पहावा तर तो हिराबाग मित्र मंडळाचा..... गणेशोत्सवाच्या पहील्या दिवसापासून तुफान गर्दी खेचणारे हे मंडळ.... रामायण, महाभारत, कॄष्णलिला वर आधारित असलेले हलते आणि सुबक देखावे असे असायचे की कायमची आठवण मनात कोरुन रहायची. एकदा का हिराबाग चा देखावा पाहीला परत तो देखावा ती व्यक्ती कधीच विसरू शकत नाही.......
आम्ही पण 20-22 वर्षें पूर्वी वडिलांचे चुलत्यांच्या खांद्यावर बसुन जास्तीत जास्त वेळा या मंडळाचा देखावा पहायला जायचो..... नरसिंह अवतार आणि दुर्गेचा महाकाली अवतार हे देखावे तर ईतके जबरदस्त होते की लहान मुलांसकट मोठे ही देखावा पहाताना हरवुन जायचे..... श्रीकृष्णाचे विराट रूप या सारखा भव्य देखावा आणि गणेश जन्म आणि हनुमानाचे महाऊड्डाण सारखे तांत्रिक देखावे पण आज पण आवर्जून आठवतात..... राहुल सोलापूरकर यांचा पहाडी आवाज आज पण कानात घुमतो.....
काही वर्षे झाली काही कारणास्तव हिराबाग मित्र मंडळाचे देखावे बंद झाले..... पण ते फक्त देखावे नसुन आजच्या पुणेकर तरुणांचं बालपण आठवुण देणारे दिवस आहे.....
अॅड. गिरीश भोसले
पुणे
कोणत्याही टिप्पण्या नाहीत:
टिप्पणी पोस्ट करा